Schweizerischer Gemeindeverband
Association des Communes Suisses
Associazione dei Comuni Svizzeri
Associaziun da las Vischnancas Svizras
Cuminaivlamain per vischnancas fermas
 
 
1
2
3
Hannes Germann

«L'Associaziun da las Vischnancas Svizras rinforza cun ses engaschament politic l'instituziun vischnanca sco basa dal sistem federativ.»

 
 

Hannes Germann, cusseglier dals chantuns e president da l'Associaziun da las Vischnancas Svizras

 
 
 

Vischnancas efficazias garanteschan in'auta qualitad da viver

  • L'Associaziun da las Vischnancas Svizras represchenta ils differents giavischs da las vischnancas. La varietad da las vischnancas è ina da las grondas fermezzas da la Svizra.
  • Las vischnancas èn manaivlas als burgais. Uschia sa sentan las abitantas ed ils abitants prendids serius, els s'identifitgeschan cun la vischnanca e s'engaschan per il bainstar general.
  • En il center stat l'effizienza da las vischnancas. Sulettamain vischnancas effizientas pon sa far valair e garantir l'auta qualitad da viver en Svizra.


Ina ferma partenaria sin plaun federal

  • L'Associaziun da las Vischnancas Svizras represchenta las posiziuns cuminaivlas da las vischnancas vers las autoritads federalas. Ella è lur partenaria fidada e renconuschida.
  • L'Associaziun da las Vischnancas Svizras è la partenaria da patrunadi da Suisse Public, l'exposiziun spezialisada communala che ha lieu mintga dus onns.
  • Tegnend en egl la pratica infurmescha ella en la gasetta «Schweizer Gemeinde», en l'internet e durant dietas d'experts davart soluziuns exemplaricas, per che vischnancas profiteschian vicendaivlamain d'enconuschientschas dal rom existentas e d'experientschas cumprovadas.
  • Ella s'engascha per in bun service public che cuvra l'entir territori, perquai che tut las vischnancas han il dretg constituziunal d'in tal.


Ina ferma associaziun cun ina vasta basa

  • L'Associaziun da las Vischnancas Svizras represchenta politicamain dapi 60 onns las vischnancas sin plaun federal.
  • 71% da tut las vischnancas èn commembras da l'Associaziun da las Vischnancas Svizras. Mintga nova commembra augmenta sia forza da persvader.
  • L'Associaziun da las Vischnancas Svizras vegn manada d'ina suprastanza che dumbra 15 persunas e che sa cumpona da commembers d'executivas communalas e da las Chombras federalas.
  • L'Associaziun da las Vischnancas Svizras lavura stretgamain cun las organisaziuns communalas dals chantuns. Ella è la partenaria da l'organisaziun spezialisada Infrastructura communala e da la Conferenza svizra dals chanzlists communals.
  • Ensemen cun la fundaziun da prevenziun Comunitas, il servetsch da cussegliaziun en dumondas d'assicuranza Trees AG e la Visana business porscha l'Associaziun da las Vischnancas Svizras prestaziuns attractivas per las vischnancas.




Associaziun da las Vischnancas Svizras
Postfach, Laupenstrasse 35, CH-3001 Bern
031 380 70 00 - verband(at)chgemeinden.ch

 
 

2013. Alle Rechte vorbehalten. Bitte lesen Sie die «Allgemeinen rechtlichen Hinweise, Datenschutz», bevor Sie diese Website weiter benützen.